अनलाइन कक्षा संचालन गर्ने बारे सम्पूर्ण अभिभावकहरुलाइ सूचना !!!
आदरणीय अभिभावकज्यु,
उपरोक्त सम्बन्धमा महामारीको रुपमा विश्वभरि फैलिरहेको कोरना भाइरस ( COVID-19) को कारणले गर्दा हाम्रा विद्यार्थी भाइबहिनिहरुले भौतिकरुपले विद्यालयमा उपस्थित भइ अध्ययन गर्ने वातावरण अहिले सम्म तयार भइ नसकेको अवस्था यहाँहरुलाइ विदितै छ । विद्यार्थीहरुको पढाइलाइ केहि भएपनि सहयोग पुगोस भन्ने मनसायले हामीले फेसबुक तथा भाइवर लगायत सामाजिक संजालबाट हाम्रा विद्यार्थी भाइबहिनिहरुलाई गृहकार्य लगायत अध्ययन सामग्रीहरु पठाई अध्ययनमा सहयोग गरिरहेका छौँ । अझ एक कदम अगाडी बढेर २०७७ साल, अषाढ १ गते, सोमबार देखि जुम (Zoom) एपको प्रयोग गरि कक्षा नर्सरी देखि कक्षा १० सम्म अनलाइन कक्षा संचालन गर्न गइरहेकाछौँ । त्यसकारण सम्पूर्ण अभिभावकहरुले आफ्नो ल्यापटप वा मोबाइल फोनमा Zoom App डाउनलोड गरि तयारि अवस्थामा रहन हार्दिक अनुरोध गर्दछौं। हामी तपाइँलाइ Class routine, Meeting ID र Password पठाउनेछौँ ।
जुम एप कहाँबाट डाउनलोड गर्ने ?
Windows अपरेटिंग सिस्टमको लागि https://zoom.us/support/download लिंकमा क्लिक गरि डाउनलोड गर्न सकिन्छ भने Android मोबाइल फोनको लागि गुगल प्ले स्टोरबाट डाउनलोड गर्न सकिन्छ। विस्तृत जानकारीको लागि यो लिंकमा गइ हेर्न सकिन्छ ।
1) https://ingrails.com/school/assets/downloads/fVs0jjK521iwT52m.pdf
2) https://www.youtube.com/watch?v=krJmg9NcJXU
अनलाइन कक्षाको आचार संहिता
- विद्यार्थीहरू अनलाइन कक्षामा उपस्थित हुँदा सफा पोशाक लगाएको हुनु पर्नेछ। विद्यालयको पोशाक लगाउदा झन् राम्रो।
- अनलाइन कक्षा शुरु हुनु भन्दा ५ मिनेट अगाडी नै बिद्यार्थीले Password र Meeting ID प्रयोग गरि जूम कक्षामा उपस्थित भइसक्नु पर्नेछ ।
- अनलाइन कक्षामा दिएको गृहकार्य शिक्षकले तोकेको समय अवधि भित्र नै शिक्षकको इमेल वा भाइवरमा पठाउनु पर्नेछ ।
- विद्यार्थीहरु अनलाइन कक्षामा उपस्थित हुँदा आवश्यक शैक्षिक सामाग्रीहरु जस्तै पुस्तक, कापी, कलम आदि लिएर मात्र उपस्थित हुनु पर्नेछ ।
- यदि कुनै पनि कारणले विद्यार्थी अनलाइन कक्षामा उपस्थित हुन नसक्ने भएमा कक्षा शिक्षकलाइ अग्रिम जानकारी दिनु पर्नेछ ।
- अनलाइन कक्षामा बस्दा विद्यार्थीहरुले सभ्य भाषा प्रयोग गर्नु पर्नेछ ।
- अनलाइन कक्षामा पनि सम्पूर्ण विद्यार्थीहरुले विद्यालयको नियम मान्नु पर्नेछ र नियम उल्लङ्घन गर्ने विद्यार्थीहरुलाई नियमानुसार कारवाही गरिनेछ ।
विद्यालय प्रशासन
नर्थ भ्याली स्कुल